Ӕрдхœрœны хъœбатыр

Ӕгасœй йœ дзыллœйы

Чи скœны кадджын,

Уый мардыл нœ

Нымайынц адœм...

(Дзасохты Музафер)

2018-аз хуымœтœг аз нœу ирон адœмœн. Ацы аз сœдœ фынддœсгай азтœ сœххœст œртœ легендарон ирон инœларыл: œфсады инœлар, зындгонд хœстон разамонœг, Советон Цœдисы Хъайтар Хетœгкаты Георгийыл, Советон Цœдисы Дыууœ хатты Хъайтар, œфсады инœлар Плиты Иссœйыл œмœ легендарон сгарœг, хœстон разамонœг, Советон Цœдисы ХЪайтар, нœ хъœуккаг Мамсыраты Хаджи-Умарыл. Ацы œртœ адœймаджы сты нœ адœмы œнустœм сœрыстырдзинад, уыдон фœлтœртœн систы хъœбатырдзинады дœнцœг.

15 сентябры Ольгинскœйы хъœуы, Мамсыраты Хаджи-Умары музей-хœдзары ацыдис œхсызгон мадзал - легендарон инœлар, «булкъон Ксантийы» мысœн изœр. Мадзалмœ сœмбœлд бирœ уазджытœ Уœрœсейы алы рœттœй: Ковтун Владимир – Сгарœн куысты Сœйраг Управленийы сœргълœууœджы Фыццаг хœдивœг, Къаболаты Солтан œмœ Бедойты Руслан – Ветеранты Советы минœвœрттœ, Ӕхсœнадон змœлд «Стыр Ныхас» œмœ иннœ œхсœнадон къордты минœвœрттœ.

Мадзалы уœвджытœ стырœй-чысылœй зœрдиагœй бацин кодтой Хаджи-Умары хъœбулы хъœбул, йœ кœстœр чызг Асяйы фырт Серхио Эрнандосыл. Серхио зœрдœбын арфœ ракодта, юбилейон изœрыл чи бакуыста, музей фœстœмœ сног кœныныл чи бацархайдта, уыдонœн сеппœтœн дœр. Уыимœ Реуазты Сослан œмœ Козаты Димœйœн; Сгарœн куысты Сœйграг Управленийы минœвœрттœн; Ирыстоны Ветеранты Советœн, скъолайы ахуыргœнджытœ œмœ ахуыргœнинœгтœн.

Цытджын инœлары юбилейы фœдыл на республикœйы сœргълœууœг Битарты Вячеславы номœй арфœйы ныхас загъта йœ хœдивœг Фадзайты Ӕхсарбег. Кœд нœфœразгœ хœссы йœ кармœ гœсгœ, уœддœр œрбацœуджытœн раарфœ кодта Хаджи-Умары хистœр чызг Мамсыраты Заретœ. Мыггаджы номœй мысœн изœр йœ аив ныхасœй смидисджын кодта Ирыстоны радиойы œнœивгœ диктор Мамсыраты Тасолтан.

Хаджи-Умары хуызœн легендарон адœм хъуамœ сœ Фарн œмœ Намыс семœ мœрдтœм ма ахœссой, фœлœ сœ ныууадзой сœ фœстагœттœн, сœ байзœддагœн...