21мая2016

Конференци Джимиты Кларæйы уацау «Иунæг чызг»-мæ гæсгæ

21.05.2016   0 2071

20 майы ирон æвзаг æмæ литературæйы ахуыргæнæг Кочысаты Ларисæ æмæ библиотекæйы кусæг Тæтæраты Райæ сарæзтой 10 æмæ 7 къласы скъоладзаутимæ конференци Джимиты Кларæйы уацау «Иунæг чызг»-мæ гæсгǽ. Уыдис дзы чингуыты равдыст. Мадзал рауад тынг мидисджын æмæ аив. Тæтæраты Райæ йæ разныхасы радзырдта фыссæджы цард æмæ сфæлдыстады тыххæй. Загъта, зæгъгæ, Джимиты Кларæ канд ахуыргæнæг æмæ фыссæг нæу, фæлæ актрисæ дæр. Кочысаты Ларисæйы раст æмæ цымыдисаг фарстаты руаджы конференци ацыд тынг хорз. 10 къласы ахыргæнинаг Цомартаты Дзерассæ радзырдта уацмысы мидис. Уый фæстæ алы фæлгонцыл дæр æрныхас кодтой бæстон. Дзуапп радтой проблемон фарстæн, стæй райхæлдтой эпигрæфы хъуыды.

Добавить комментарий