Неделя осетинского языка и литературы

15-22 майы скъолайы   рагагъомма сарæзт  пъланмæ   гæсгæ ацыд мадæлон  æвзаджы къуыри.Къуырийы мидæг  арæзт æрцыд къорд  мадзалы.Куыст райдыдта беседæтæй мадæлон æвзаджы темæйыл сеппæт кълæсты дæр. Фæстиуæгæн нысангонд  æрцыд нывæцæнты конкурс. Конкурсы  архайдтой,  мадæлон  æвзаг йæ удмæ хæстæг кæмæн у, йæ уавæрыл ын чи тыхсы , йæ фидæныл ын чи архайы, уыцы ахуырдзаутæ иууыллдæр . Хуыздæртыл  нымад æрцыдысты ацы ахуырдзауты куыстытæ:

           11 къл- Джелæты Р., Тыбылаты Р., Дулаты Д.

           10 къл- Дзгойты Д., Кънататы М.

           9 къл- Хæмыцаты Д.

           8 къл – Котаты Д.

           7 къл – Колыты К.

           6 къл – Рæмонаты Д.

            5 къл – Тотраты Дз,   

            

Мидисджын  презентацитæ бацæттæ кодтой   Хуыбаты Ф.( 7 къл) ,Цæгæраты Д( 8 къл),  Мыстиаты А (10 къл), Тыбылаты Р ( 11 къл)

   Парахат æрмæгæй пайдагонд æрцыд  Джелæты  Русланы  реферат «Æрыдоны дины семинар . Йæ  хъомылгæнинæгтæ.»-йы.

20-майы гом- урок- Брейн-ринг 8 къласы равдыста Хъараты Фатима. Урочы темæ  « Ирон æмбисæндты къæбицæй». Сывæллæттæ цымидисæй  архайдтой сæ зонындзинæдтæ равдисыныл ирон цардыуагимæ баст   æмбисæндтæй.

Сарæзтой  сценкæтæ ирон æвзаджы уавæры  темæйыл .

Урок рауад мидисджын.

7 кълæсты хæс сæ ахуыргæнæг Кочысаты Ларисæимæ  уыдис  Нарты каджджыты циклтыл бæстон бакусын æмæ уый бындурыл викторинæ саразын . Сывæллæттæ бакодтой арф  сгарæн куыст. Нарты кадджыты циклтæм гæсгæ  фæхъæздыг сты сæ зонындзинæдтæ.

  Къуырийы кæрон 22 майы арæзт æрцыд кæронбæттæн мадзал  ̶̶ литературон – музыкалон композици  « Цæр æнусмæ, нæ мадæлон æвзаг!» Мадзалы архайджытæ уыдысты, афæдзы дæргъы скъолайы, районы æмæ республикæйы алыхуызон конкурсты æмæ бæрæгбæтты активонæй чи архайдта,уыцы скъоладзаутæ , стæй мадæлон æвзагмæ куыдфæндыйы цæстæй чи нæ кæсы , уыцы  ахуырдзаутæ 5-11 къласмæ.

Абоны  фæлтæры номæй нæ фыдæлтæн арфæйы ныхас загътой 7 къласы ахуырдзаутæ  композици « Ирон  хæзнадоны цыкурайы фæрдыг»- æй, уæззау уавæрты дæр мадæлон æвзаг бахъахъхъæнын кæй бафæрæзтой , уый тыххæй.

 Кæрæдзийы  дзыхæй  исгæйæ нырыккон поэттæ  Хъодзаты Æ., Касаты Б., Хадыхъаты Ф., Чеджемты Æ. æмдзæвгæтæ кастысты 5-11 кълæсты ахуырдзаутæ  Хæмыцаты Хъ., Булацаты Л., Колыты К., Джеллыты Р., Биганаты И. æмæ иннæтæ.

Мадæлон æвзаджы  «ивгъуыд» æмæ «абоны»  фæлгонцтæ æнтыстджынæй сарæзтой 7 къласы ахуыргæнинæгтæ  Дзгойты Е. æмæ Колыт К. Уымæй уæлдай  ма изæры уæвджытæ  цымыдисæй бакастысты сценкæмæ  мадæлон  æвзаджы абоны уавæры темæйыл.