19мар2013

Очередная победа

Архив 2409

Æрвылаз Ахуырад æмæ наукæйы министрады хъæппæрисæй арæзт æрцæуы «Ирон аив дзырды дæсны»-йы  æркаст. Районы скъолаты минæвæрттæ 19 мартъийы æрæмбырд сты Беслæныхъæуы 6 скъолайы, цæмæй сæ зонындзинæдтæ равдисой   Республикон æркасты районы къæпхæны.  Æркасты темæ «Æмдзæвгæ зарджыты къæбицæй».

 

Æркасты домæнтæм гæсгæ хъуамæ архайджытæ аив бакастаиккой ирон поэзийы зарæджы аккаг цы поэтикон уацмыстæ систы, уыдонæй.  Уацмыс дзургæйæ спайдагæнæн уыдис цæстуынгæ аудио-видеоæрмæгæй, музыкæйæ. Уацмыс бакæсæн уыдис зарæджы автортæ, фыццаг хатт æй чи азарыд уыдоны тыххæй интерактивон фæйнæгыл презентаци æвдисгæйæ. Жюрийы уæнгты размæ лæууыд ахсджиаг хæс – аккаг аргъ скæнын аухырдзауты арæхстдзинадæн, равзарын хуыздæртæй хуыздæрты, кæцытæ хъуамæ 5 апрелы Рахизфарсы кад хъахъхъæной республикон æркасты. Каст цыдис дзурæджы аив ныхасыхъæдмæ, уацмыс уагæвæрды темæмæ гæсгæ у æви нæ, сценикон арæхстдзинадмæ, æддаг бакастмæ. Дих кодтой  сæ кармæ гæсгæ дæр. 1-4;  5-7; 8-9; 10-11 кълæсты ахуыргæнинæгтæ.

 

17 скъолайы минæвæрттæ кæрæдзийы ивтой сценæйыл.  Рабæрæг сты тыхджындæртæ  æмæ лæмæгъдæртæ – жюрийы уæнгты бахъуыд  3 сахаты фæбадын, цæмæй  сæ сбæлвырд кæной. Гран-при лæвæрд æрцыд  не скъолайы минæвæрттæн. Стыр арфæйы ныхæстæ райстой  ирон æвзаджы ахуыргæндджытæ Кочысаты Ларисæ æмæ Хъараты Фатимæ. Ахæм стыр æнтысдзинад нæ къухы бафтыд  мæнæ ацы скъоладзауты руаджы:

Джеллыты Руслан (11 кълас),  Тыбылаты Бимболат (10 кълас), Мысыкаты Аслан æмæ Мамсыраты Зæлинæ (10 кълас), Хæмыцаты Давид (9 кълас), Дзгойты Лизæ (7а кълас), Колыты Кристинæ (7а кълас), Тотраты Дзамболат (3б кълас). Дарддæр ацы скъоладзаутæ æрвыст цæуынц Республикон æркастмæ.

Цалынмæ  нæм ахæм æвзыгъд фæсивæд рæзы, уæдмæ ирон æвзагæн фесæфынæй тас нæу!

Комментарии (1)

admin 26.03.2013

Так держать!!! Очередной победы на Республиканском конкурсе!!!