07мая2014

Фембæлд ветераны фыртимæ

07.05.2014   0 2498

Æхсызгон фембæлд ацыд не`скъолайы 30-æм апрелы.5-8-æм кълæсты ахуырдзаутæ сахаты дæргъы зæрдиагæй хъуыстой нæ хъæуккаг, раздæры фæскомцæдисонты разамонæг, Дзампаты Барисы раныхасмæ Фыдыбæстæйы Стыр хæсты цымыдисаг цауты тыххæй.

Барисæн йæ фыд Аслæмбег æмæ йæ дыууæ фыдыфсымæры Саламбег æмæ Сослæмбег уыдысты хæсты архайджытæ. Уыимæ ма дзы æгас хæдзар ссардта æрмæст Аслæмбег. Хорз байзæддагæн куыд æмбæлы, афтæ бацархайдта Барис йæ царæфтыд хистæрты хæстон фæндæгтæ сбæрæг кæныныл, уымæн æмæ йæ фыдыфсымæртæй ссыд , «æбæрæгæй фесæфт», зæгъгæ, ахæм гæххæттытæ. Хæрз æрыгон уæвгæйæ, Борик куыста фæскомцæдисы уæнгты æмæ йæхи сбаста фæдысгарæг къордтимæ. Йæхæдæг ацыд Севастополмæ æмæ уымы тохты бирæ æвдисæнты фæрцы сбæрæг кодта йæ фыды æфсымæр Саламбеджы хъайтарон фæндæгтæ. Сывæллæттæн бакаст, йæ хæстон æрдхæрдтæ хъæбатыр ирон лæгæн йæ ном цы æмдзæвгæйы рæнхъытæй ссардтой, уыдон.

Борик куыд загъта, афтæмæй йæ дыккаг фыдыфсымæры хæстон фæндæгтæ сбæрæг кæнын йæ къухы нал бафтыд: уæдмæ фехæлд Советон Цæдис, æмæ ахæм куыстытæ кæнын лæвар къухы нал æфтыд, хъуыд сын æхцайы фæрæзтæ.

Борик ма цымыдисаг дæнцæгтæ æрхаста не мхъæуккæгтæ Хъабанаты Джыба, Дзодзиаты Беси æмæ иннæ ветеранты хæстон фæндæгтæй дæр.

Сывæллæттæ мадзалы фæстæ курдиат бахастой, цæмæй ахæм фембæлдтытæ хæсты ветеранты цот æмæ цоты цотимæ суой системон, традицион.

Добавить комментарий