01фев2012

Фестиваль "Дружба народов мира" в Ольгинской школе

Архив 3139

Ольгинскæйы астæуккаг скъолайы арæзт æрцыд цымыдисаг фестиваль. Ахуырдзаутæ равдыстой Японийы, Узбекистаны, Индийы, Кæсæг-Балхъары, Цæцæны æмæ æндæр бæстæты æмæ республикæты истори, адæмы базонгæ кодтой алы адæмы хæттыты культурæимæ. Скъоладзаутæ адæмон аивады фестиваль бацæттæ кодтой ныр æртыккаг хатт. Се ппæты дæр дисы бафтыдтой ахуырдзауты конд национ хæринæгтæ. Фестивалы уæлахиздзау сси 10-æм кълас. Уыдон равдыстой Гуырдзыйы культурæ.

Индиаг кинонывмæ гæсгæ арæзт сценæ, национ æууæлтыл дзурæг аив костюмтæ. Ацы эстрадон номер бацæттæ кодтой Ольгинскæйы астæуккаг скъолайы 9-æм къласы ахуырдзаутæ. Алчидæр йе вæрæн бахаста театрализацигонд сценикон ныв саразынмæ. Уазджыты базонгæ кодтой Индийы историимæ. Равдыстой сын сæ адæмы культурæ, æмæ æгъдæуттæ. Жюрийы уæнгты та сбуц кодтой хъуыстгонд индиаг цайæ.

Фестивальмæ чи æрбацыд, уыдон базыдтой Японийы, Узбекистаны, Индийы æмæ Цæгат Кавказы адæмты тыххæй бирæ ногдзинæдтæ. Федтой алы бæстæты æмæ республикæты национ хæринæгтæ. Тынгдæр сын аргъ скодтой уымæн, æмæ сæ скъоладзаутæ сæхæдæг бацæттæ кодтой.

Адæмон аивады фестиваль Ольгинскæйы сси æрвылазон. Алы хатт дæр сывæллæттæ бакусынц зæрдиагæй. Иуæй сын æххуыс у сæ хъомыладæн, иннæмæй та сæ миддуне фæхъæздыгдæр кæнынæн. Ацы хатт хуыздæр зонындзинæдтæ равдыста 10-æм кълас. Чызджытæ æмæ лæппутæ равдыстой рагон гуырдзиаг культурæ.

Фестиваль иу хаттæй иннæмæ æрæмбырд кæны фылдæр адæм. Ахуыргæнджытæ сæ зæрдыл дарынц ацы фестиваль фæсивæдæй искæмæн йæ фидæны дæсныйады бындур кæй суыдзæн ууыл.

Комментарии (2)

.......* 23.02.2012

Было классно..*

Артур. 14.03.2013

МОЛОДЦЫ 8 \" Б \" КЛАСС. ОЧЕНЬ КРАСИВЫЙ ТАНЕЦ.